Liabs Tagebuach
Hüt simmer wia immerguat ufgstanda.
Mitäm Z`Morga in da Schua simmer zu üssera Wahlsportart gannga. (Morenos Satz)
D Wahlsportart hät Spass gmacht und miar hän viel könna lärna.
Noch dr Wahlsportart simmer wia immer sehr fain go ässa.
Äs hät Spätzli mit Rahmgschnätzlets geh.
D Triathleta hän z erscht töfa go Ässa hola will si scho am 14:00 Uhr gstartet sind.
Zerscht hän si üs erklärt was miar macha müan und dänn simmer grad uf z Velo zum z glärnta testa.
Dänn hät z Renna au scho gstartet. Dr See isch uu hässlich gsi.
Wo miar usäm Wasser koh sind, simmer ganz grüan gsi.
Dänn ischs au scho zur 4. Disziplin koh dr gross Wächsel vum See zum Velo.
Dänn simmer wia dr Blitz um dia rot Bahn gflitzt.
Und zum Schluss no dr Schlusssprint.
Wommer ins Ziel koh sind simmer fix und fertig gsi.
Niamer isch uf dia vorderschta Räng koh aber alli hän Spass kah.
Nocher hämer üs a stärkig gönnt und sind wider zruck ins Zelt.
Am halb sibni hämmer a feina Z`nacht kriagt und denn sind d Lagerköniga gehrt worda. Es sind d Tara und Lia worda, us üsera sicht händs sie verdiant. Denn händ alli Leiter a Huat griagt. Carla und Ruth händ a Diplom für ihri Arbeit kriagt.
Und jetzt machend alli no Party.
Schlofen guat und bis ima Johr.
Moreno, Pierina und Mara-Joana
