Ciao Liabes Tagebuach
Hüt Morga simmer fu super cooler Star Wars Musik gweckt worda, wo vor Gianna usgwählt worda isch. Dia super cooli Musik isch aber recht lang uf dauerschleife gspielt worda, dass miar jo ni z’spot zum Z’morga kömmen. Für apar fu üs isch hüt am Morga erstmol Yoga bim Yoga-Martin ufem Plan gstanda. Am Afang hemmer dr Sunnagruass extrem guat glernt, bis na alli tip top könna hend. Selber hemmer üs den alli in a paar Gruppa super Yoga Choreos usdenkt. Natürlich hemmer dia au alli vorzeigt. Bim Z’nüni hemmer üs schu a paar gedanka um da Z’mittag gmacht, Tara het mit voller überzügig grota, dass es Stocki git, BAAAM sie het richtig grota!! Am Nomitag, trotz starker Sunna hemmer au üsi Sportarta gschafft. Noch üsera Hauptsportart simmer no biz go Beachvolleyball go spiela. Dass dr Kiano so ah Beachvolleyball Talent het hettemer ni denkt, sin Ufschlag mit dr Fust het fast immer klappt.
Am Obig simmer gstärkt worda mit Burger. Miar hend gra no Glück kah, dass miar üsa Burger hend könna fertig essa. Am afang hets nur abiz Tröpflet aber usem nüd hets richtig afanga hagla. Miar sind alli in Zelter oder unter Dach gschickt worda, dass dr Hagel niamert trift. Dr Colin hets leider trotzdem verwütscht, dä Arm het jetzt a klini Bühla ufem Kopf.
Nochem Hagel, währen miar eigentlich go Tanzstunda neh, do es aber apar Komplikationa geh het isch ni alles ganz so gloffa wia plant. Tanzt isch aber trotzdem no worda. Doch nachera Zit isches au schu fertig gsi.
Aber jetzt müand alli ins Bett,
will dass Gianna aso wett.
Guat Nacht und schlofen guat,
mora hemmer wider muat, guat!!
Pino & Tara
